Cultures. Revista Asturiana de Cultura ye una publicación editada pola Academia de la Llingua Asturiana que naz nel añu 1990 col envís d’asoleyar trabayos qu’afonden nel estudiu de la etnografía y l’antropoloxía d’Asturies y, dacuando, d’otres zones culturales.

Collaboren en Cultures tanto especialistes nes materies citaes, como otros estudiosos ya interesaos na conocencia d’estes disciplines. Buscóse especialmente, y más nos númberos monográficos, la collaboración de persones de los distintos conceyos y fasteres de cultura asturiana, bonos conocedores de la so realidá.

Esto fai que nos 22 númberos asoleyaos hasta’l momentu topemos una información imprescindible pal estudiu de la cultura astur.

Nesti sen, destaquen en particular los númberos monográficos dedicaos a la cultura del pan, la cultura de la yerba, el samartín, la sidra y el vinu, l’espaciu agrariu, la fiesta, la caza y la pesca, los xuegos y la música.

Cultures. Revista Asturiana de Cultura ye una publicación pervarolatible pal estudiu de la llingua asturiana, en cuantes que nos sos trabayos apaecen vocabularios específicos y terminoloxíes aplicaes a les práutiques culturales tradicionales males d’atopar n’otres obres d’esti calter.

Cultures. Revista Asturiana de Cultura espublízase añalmente.

Con Cultures entama l’estudiu de la cultura asturiana dende la nuesa propia cultura.

• Llamáu p'artículos
  
• Últimu númberu
• Númberos anteriores
• Guetador
  
  Guetar per pallabra/-es clave
  
  Guetar per autores
  
  Guetar per títulos
  
  
  Guetar en PDF (Google)